viernes, 8 de junio de 2012

Verdasca: Revelación Asturiana


Verdasca surde en xineru de 2006 de la xuntanza d´un grupu de músicos mozos procedentes de la Escuela Municipal de Música de Llanera y la Banda de Gaites "La Raitana". Basen el so repertoriu na reellaboración de música tradicional asturiana,
anque tamién igüen composiciones del grupu.



N´agostu de 2007 formen parte de la Delegación Asturiana nel Festival Intercéltique de Lorient, onde llogren el segundu puestu nel Trophée de Musique Celtique “Cidrerie du Terroir”. 




En 2008 algamen el primer premiu nel Concursu y Muestra de Folclor "Ciudá d´Uviéu", troféu "Igor Medio y Carlos Redondo" de la modalidá de grupos de folk. En febreru de 2009 Verdasca recibe´l premiu AMAS como Grupu Revelación del añu 2008. 




A lo llargo d´esti mesmu añu, el grupu fizo diverses apaiciones televisives na TPA (Televisión del Principáu d´Asturies) en programes como “Pieces”, “Nós” o “Camín de Cantares”.
Verdasca tien actuao nun gran númberu d´escenarios per toa Asturies, amás de visitar otros llugares d´España, como Alcobendas, Ourense o Barcelona. Tamién participó en festivales del extranxeru como´l Festival Intercéltique de Lorient na Bretaña Francesa o´l Festival Ethnosuoni y la Festa Internazional de la Zampogna de Scapoli, los dos n´Italia.




A finales de 2009 espublicen col sellu “Tierra Discos” el so primer trabayu discográficu, “D´abéu”, grabáu y mezcláu ente los meses de setiembre y avientu nos estudios “Tutu” de Los Campos (Corvera) pol técnicu de soníu Sergio Rodríguez, que tamién collabora en dellos temes col baxu eléctricu.




En xineru de 2011, Verdasca presenta la so nueva formación cola incorporación de la cantante María Fidalgo y el guitarrista Moises Suárez, en sustitución de Marina Pangua y Andrés García, respeutivamente.


Si quieres conocer más sobre la Verdasca pincha sobre las siguientes imágenes:


Myspace


Facebook



No hay comentarios: