BANDA GAITES LAKADARMA
LaKadarma ye un nuevu proyeutu musical que porfia pol desendolcu de la música tradicional asturiana apurriendo-y nueves sonoridaes y arreglos a la gaita asturiana recibiendo pa ello influencies de distintos estilos.
L'agrupación, que se forma'n febreru de 2012 baxo la direición musical de los hermanos Rodrigo y Andrea Joglar, compónse de músicos procedentes d'estremaes estayes de la música tradicional asturiana, tanto del mundu de les bandes de gaites, como de los grupos de música folk, amás de gaiteros solistes o escolinos de la Escuela Municipal de Música de Nava.
Nes sos actuaciones, LaKadarma trata d'ufrir un espectáculu desenfadáu, espontáneo y dinámicu, al traviés d'un repertoriu compuestu de pieces de composición tanto d'autores destacaos del panorama musical asturianu como de los propios direutores de la banda, amás de pieces tradicionales o adautaciones de melodíes contemporánees. Los sos ensayos allúguense nos llocales sociales qu'el Ayuntamientu de Nava tien nel Llagar de Sorribes, na capital naveta.
LaKadarma emplega gaites asturianes d’un roncón afinaes en Do y un cuerpu de percusión formáu por caxes d'alta tensión, timbales y bombu, anque tamién usa dacuando otros instrumentos de percusión como'l caxón flamencu, tambor asturianu o batería.
Rescampla tamién l’enfotu de l’agrupación por explotar al máximu les posibilidaes musicales de la gaita asturiana, siendo la primer banda de gaites d’Asturies n’usar punteros afinaos na tonalidá de Sol, amás de roncones en diferentes afinaciones. Nesti sen, LaKadarma pretende seguir una llínea de trabayu na que se porfie pola investigación y el desendolcu de la gaita collaborando con varios talleres de luthería del país y de la so contorna na preba de posibles innovaciones que permitan algamar los meyores resultaos a nivel musical.
LaKadarma vístese con traxes tradicionales asturianos, basaos en reproducciones de los emplegaos nel país nel sieglu XIX y ellaboraos con materiales naturales.
Amás d’ello, la banda dispón d’una indumentaria non tradicional pa actuaciones que nun requieran l’usu del traxe asturianu.
Equí vos dexamos un vídeo d´un ensayu intensivu y de la actuación de la Banda Gaites LaKadarma nel Concursu de Bandes de Gaites del Festival Arcu Atlánticu de Xixón, nel 2013:
Más información: http://www.lakadarma.com/
BANDA GAITES LAKADARMA
LaKadarma es un nuevo proyecto musical que apuesta por el desarrollo de la música tradicional asturiana aportándole nuevas sonoridades y arreglos a la gaita asturiana recibiendo para ello influencias de diferentes estilos.
La agrupación, que se forma en febrero de 2012 bajo la dirección musical de los hermanos Rodrigo y Andrea Joglar, se compone de músicos procedentes de diversas partes de la música tradicional asturiana, tanto del mundo de las bandas de gaitas, como de los grupos de música folk, aparte de gaiteros solistas o alumnado de la Escuela Municipal de Música de Nava.
En sus actuaciones, LaKadarma trata de ofertar un espectáculo desenfadado, espontáneo y dinámico, a través de un repertorio compuesto de piezas de composición tanto de autores destacados del panorama musical asturiano como de los propios directores de la banda, aparte de piezas tradicionales o adaptaciones de melodías contemporáneas. Su ensayos se ubican en los locales sociales que el Ayuntamiento de Nava tiene en el Lagar de Sorribes, en la capital naveta.
LaKadarma emplea gaitas asturianas de un roncón afinadas en Do y un cuerpo de percusión formado por cajas de alta tensión, timbales y bombo, aunque también usa a veces otros utensilios de percusión como el cajón flamenco, tambor asturiano o batería.
Llama también la atención la confianza de la agrupación por explotar al máximo las posibilidades musicales de la gaita asturiana, siendo la primera banda de gaitas de Asturias en usar punteros afinados en la tonalidad de Sol, aparte de roncones en diferentes afinaciones. En este sentido, LaKadarma pretende seguir una línea de trabajo en la que se apuesta por la investigación y el desarrollo de la gaita colaborando con varios talleres de luthería del país y de su alrededores en la prueba de posibles innovaciones que permitan alcanzar mejores resultados a nivel musical.
LaKadarma se viste con trajes tradicionales asturianos, basados en reproducciones de los empleados en Asturias en el siglo XIX y elaborados con materiales naturales. Además de ello, la banda dispone de una indumentaria no tradicional para actuaciones que no un requieran la utilización del traje asturiano.
